Anonyme [1649], LA DISGRACE DV CARDINAL MAZARIN ARRIVEE DEPVIS LA la Conference de Ruel. , françaisRéférence RIM : M0_1156. Cote locale : A_2_38.
-- 2 --
LA DISGRACE DV CARDINAL
Mazarin, arriuee depuis la Conference de Ruel, &
LE bon accueil que i’ay veu faire iusques icy
à vne infinité de pieces de toute sorte, que
l’on à mises au iour depuis l’enleuement du
Roy, m’a donné la hardiesse d’entreprendre celle-cy
pour la consolation du public, seule cause
qui me la fait mettre sous la presse, aussi ay-ie cette
confiance que vous ne luy ferez pas vne moindre
reception, qu’aux inuectiues que l’on a faites,
d’escrites & coppiés, desia plus de cent fois, qu’asi
sans y rien alterer ; & ie me le persuade d’autant
plus volontiers, que ce n’est que pour vostre soulagement :
vous sçauez que c’est donner vn grand
secours aux mal heureux, que de leur dire qu’ils
ont des compagnons : comme si la quantité des
miserables les rendoit moins infortunez. Ie ne
sçay pas si cet axiome est tousiours infaillible : mais
ie sçay bien qu’il est indubitable en ce rencontre,
c’est à dire que vostre mal sera beaucoup allegé,
s’il n’est entierement guery par la medecine que ie
Anonyme [1649], LA DISGRACE DV CARDINAL MAZARIN ARRIVEE DEPVIS LA la Conference de Ruel. , français Référence RIM : M0_1156. Cote locale : A_2_38.
|