Or Saül, Dauid, & Salomon ; regnerent seulement
cent ans sur la Iudée demeurante entiere, car le Royaume
sut partagé en deux, sous ledit Roboam, qui fut
Roy de Iuda seulement, despoüillé de dix Tribus ayant
mieux aymé suiure le conseil des ieunes qui le portoiẽt
à la tyrannie, que des Anciens qui luy conseilloient de
descharger les peuples.

C’est la principale cause pourquoy Dieu dit, que
quand les Roys sont deuenus tyrans, il ne regne plus
& le iuste suiet pour lequel les peuples secouënt le ioug
de leurs Princes.

La seconde cause est le manque de prudence & de sagesse
en vn Prince & c’est la raison, pourquoy Dieu dit
en l’Ecclesiast. chap. Io, vers. 16. Mal-heur sur toy terre de
laquelle le Roy est vn Enfant.

Vne 3. est le luxe & la volupté, en suitte la faineantise,
qui priuant les Princes des vertus necessaires
pour bien regner leur font perdre leurs Couronnes au
profit de ceux qui en sont dignes. Changement qui arriue
ordinairemẽt apres la reuolution des années septenaires
multipliée par 9, d’autant que comme tout l’Vniuers
est gouuerné par le brãsle & influence des 7. planetes,
ainsi toutes choses prennent fin & changement
par la reuolution de nombre septenaire apres les alternatiues
gouuernements desdits luminaires celestes
multiplié par 9. ce qui se recognoit veritable non seulement
en la vie des hõmes, qui tiennent pour année Climaterique
le nombre de 7. multiplié par 9. cõme dangereuse
& borne ordinaire de nos ans en ce monde
mais aussi en la constitution des Estats & Empires.

La Monarchie des Babiloniens ou Chaldeens premiere
des plus grands Empires commencéa par le geant
Nembrod l’an du monde (à ce qu’on escrit (1781) laquelle
a duré 1449 & finit par la reuolution de 7. fois 23.
multiplié par 9. 23. 161.

7. 9

161. 1449.

Tout le monde sçait que Sardanapale dernier Empereur