A la mal’heure Mazarin,
Du païs, d’ou vint Tabarin,
Est-tu venu brouiller le nostre :
On te prenoit bien pour vn autre
Lors qu’on te croyoit raffiné,
On t’auoit fort mal deviné.
Et de science & de pratique,
Tu n’est pas vn grand Politique,
Tous tes desseins prennent vn rat
Dans la moindre affaire d’estat,
Singe du Prelat de Sorbonne,
Ma foy, tu nous la baille bonne
Tu n’est à ce Cardinal Duc
Comparable qu’en aqueduc,
Illustre en ta partie souteuse
Ta seule houlette est fameuse,
Outre cette vertu de Cocq,
On te tient inventeur du Hoc,
Du beau jeu de trente & quarante,
De certaine chaize courante
Autre cheval de Pacolet,
Et de plus, de ce cher Ballet,
Ce beau : mais mal’heureux Orphée
Ou pour mieux parler ce Morphée
Puisque tant de monde y dormit,
Ma foy ce beau chef d’hœuure mit
En grand credit ton Eminence,
Ou plustost ton impertinence,
Tes Courtisans, & tes chastrez
Y furent des mieux chapitrez.
Pour auoir fermé tes bougettes
Aux gueux qu’on appelle Poëtes.
Si chers au feu rouge bonnet
Qui sçauoit le mal qu’vn Sonnet

Page précédent(e)

Page suivant(e)