prepareront son vin auec tant d’art que mort
s’en ensuiue, dix mille escus.

A tous Iardiniers & Iardinieres, Bouquetiers
& Bouquetieres, qui luy presenteront bouquets
parfumez auec poison mille escus.

A tous Parfumeurs & Gantiers qui seruiront
le public en sa personne, comme faisoit
celuy de la Reine Catherine, trios mille
escus.

A tous Cordonniers qui empoisonneront le
roussi, & l’escarpin, la somme de deux mille
escus.

A tous Secretaires, Courriers ou Messagers,
qui luy porteront pacquets bien & deüement
preparez, en cas que la chose reüssisse au contentement
du public, la somme portée par
l’Arrest.

Au Courtisan qui approchant la personne
de Sa Majesté, luy desillera les yeux, & luy
faisant connoistre le miserable estat de son
Royaume la fera consentir à la conchinade,
la mesme recompense du Mareschal de Vitry.

A celuy des Mareschaux de Ville Roy, du
Plessis, de Turennes, de la Ferté, & d’Hoquincourt,
qui apres l’auoir fait assommer, ramenera