Louis (XIV), De Guénégaud [signé] [1649 [?]], LETTRES ET DECLARATION DV ROY, SVR LE SVIET DE SA SORTIE DE PARIS. Auec l'Arrest de son Conseil d'Estat, portant cassation de celuy du Parlement de Paris, concernant le logement des Troupes de Sa Majesté. , françaisRéférence RIM : M0_2289. Cote locale : A_1_1.
-- 5 --
LETTRE DV ROY AVX PREVOST
des Marchands & Escheuins de la Ville de Paris.
Tres chers & bien-amez, estans obligez auec vn
tres-sensible déplaisir de partir de nostre bonne
Ville de Paris cette nuict mesme, pour ne pas demeurer
exposez aux pernicieux desseins d’aucuns
Officiers de nostre Cour de Parlement de Paris, lesquels
ayans intelligence auec les ennemis declarez
de nostre Estat, apres auoir attenté contre
nostre authorité en diuerses manieres, & abusé longuement
de nostre bonté, se sont portez iusques à
conspirer de se saisir de nostre propre personne :
Nous auons bien voulu, de l’auis de la Reyne Regente,
nostre tres-honorée Dame & Mere, vous
donner part de nostre resolution, & vous ordonner,
comme nous faisons tres-expressément, de vous employer
en tout ce qui dépendra de vous, pour empescher
qu’il n’arriue rien en nostredite Ville qui
puisse en alterer le repos, ny prejudicier à nostre seruice,
& vous asseurer que comme nous esperons que
tous les Bourgeois & Habitans d’icelle, continuëront
auec vous dans le deuoir de bons & fidelles Sujets,
ainsi qu’ils ont fait iusques à present, aussi ils
receuront de Nous toute sorte de bon & fauorable
traitement, nous reseruant de vous faire sçauoir
dans peu de iours, les suites de nostre resolution, &
Louis (XIV), De Guénégaud [signé] [1649 [?]], LETTRES ET DECLARATION DV ROY, SVR LE SVIET DE SA SORTIE DE PARIS. Auec l'Arrest de son Conseil d'Estat, portant cassation de celuy du Parlement de Paris, concernant le logement des Troupes de Sa Majesté. , français Référence RIM : M0_2289. Cote locale : A_1_1.
|