n’attaquez presentement son ombre que pour vous vnir
peut-estre comme vous auez fait en de pareilles rencontres
plus estroitement à sa personne. Et qui serez, quoy
que vous puissiez dire, tousiours Mazarins, c’est à dire ennemis
du public, Fauteurs des Partizans, obstacles de la
Paix generale que vous empeschez par vos broüilleries.
Ne pretendez plus d’abuser les esprits credules par vos
calomnies & par vos impostures. Nous abhorrons le
Mazarin. Mais l’auersion que nous auons pour luy passe
iusques au poinct que nous ne voulons pas mesme le receuoir
comme vn pretexte. C’est dequoy presentement
vous le faire seruir, vous l’appliquez à tous vsages, vous
traittez les fauteurs du Mazarin, ceux qui sont tousiours
opposez auec le plus de vigueur à sa tyrannie, parce que
leur naturel libre & courageux vous fait apprehender
l’authorité legitime. Vostre aueuglement est estrange, il
est de la mesme nature de celuy qui vous persuada que
vous prendriez Paris en trois iours. Vous vous imaginez
que vous porterez les yeux de tous les Peuples si
vniquement sur le Cardinal Mazarin, qu’ils ne s’apperceueront
qu’il s’esleue vn autre Tyran parmy eux : Nous
haïssons celuy qui est à Cologne, nous exposerons nos
biens, nos fortunes & nos vies, pour nous opposer aux
moindres apparences de son retour. Vostre conduite passée
nous peut faire croire auec raison, que ce sera peutestre
contre vous que nous prendrons les armes sur ce sujet :
Mais toute sorte de tyrannie nous est odieuse, nous
n’auons point combatu pour le choix des Tyrans ; Et
quand la plus saine partie de la France s’est opposée aux
desseins du Cardinal Mazarin, & que vous auiez communs
auec luy, ce n’a pas esté pour éleuer vostre puissance ;
mais au contraire pour sousmettre à nostre jeune Monarque
celle que vous vsurpiez dans la foiblesse de son
gouuernement, & par les moyens que vous en laissoit
prendre ce Ministre foible & timide, quelques apparences

Page précédent(e)

Page suivant(e)