presence seroit la ressource dans leur malheur, tout
le monde le publie hautement ; toutes fois s’ils priẽt
sa Majesté d’y venir, c’est auec des conditions, que
les esgaux n’oseroient proposer. S’ils l’inuitent de s’aprocher,
au mesme temps ils abatent les Ponts, ferment
les Passages, luy opposent des Armées, & n’õt
iamais sceu se resoudre à luy ouuir les Portes, & à le
conuier, sans exception & sans reserue, à reuenir dãs
le premier siege de son Empire, acompagné de tout
ce qu’il honore de sa biẽ veillance, & de sa protectiõ.

Ils ont condamné vn Prince, qui n’a rien de petit
que de s’estre lié à ce qui est moindre que luy ; & ils
l’admettent en leurs deliberations auant que d’estre
iustifié, mesmes tandis qu’il est actuellement dãs la
continuation du mal, cõtre lequel ils ont prononcé.
Ils font cõdescendre la bõté & la clemence du Roy,
à quitter les auãtages de ses armes victorieuses & du
bon droit de sa cause, pour esloigner ses armées de
dix Lieues, afin d’espargner le contour de sa bonne
ville de Paris.

Apres cela qui le pouura iamais croire ? On permet
qu’on leue des troupes dans Paris, non seulement
contre la volonté & contre le seruice du Roy ; mais
pour les employer à combatre des Armées qu’il
commande luy-mesme on trouue bon qu’elles y demeurent,
qu’elles volent, qu’elles pillent, qu’elles
viuent sur le voisinage. On voit venir des Armées
Estrangeres, qui n’ont de discipline que la licence
du pillage, de l’embrasement & du meurtre. Cependant
on s’en resiouir, on y applaudit, on souffre leurs
logemens à deux ou trois lieuёs de la mesme ville.
On est faché dequoy la sagesse & la prudence du