aura le tiltre de protectrice de cét Estat, que vous deuriés auoir
ambitionnè pour couronner vne vie cy-deuant toute heroïque,
que vous exposés contre vostre terre natale pour appuyer le plus
detesté de tous les hommes.

Vostre Frere puisnè vous enleuera l’Appanagę qui vous deuoit
estre plus cher : & ce ieune Scipion sera plus estimè de la conseruation
d’vn Citoyen, que vous ne le pourrez estre du carnage de tant
d’ennemis : & la France aura cette gloire de s’estre deliurée par ses
seules forces, & malgré les vostres, de son persecuteur, & du plus
meschant de tous les Tyrans qui l’ayent opprimée. Ie n’ay que le
temps de finir pour prendre les armes, & il n’en reste pas d’auãtage
à V. A. pour les quitter, & pour changer cette Resolution desesperée
contre vostre païs & contre vostre sang, en celle de les seconder
dans leur genereuse entreprise, & de rendre la paix à ce Royaume,
à qui l’on ne fait la guerre que sur l’Esperance de vostre courage
& de vostre fortune.

Ie prie Dieu & les Patrons de cette Ville qui ont chassé les Huns
& les autres nations barbares de ses murailles, quils vous touchent
le cœur, & quils vous fassẽt desister de vostre entreprise par vn sage
conseil, plustost que de vous humilier par nos forces, & qu’ils ne permettent
pas que la posteritè puisse dire que nous ayons trouuè nostre
salut dans la perte de nostre premier Prince du sang. Agrées s’il
vous plaist, ce dernier sentiment, que ie ne pourrois pas vous exprimer
de bouche sans y mesler des larmes, & me faittes l’honneur
de croire que ie voudrois mourir pour vostre seruice en toute autre
occasion que celle-cy, qui arme tous les bons François contre
vous ; puisque vous auez autre fois agrèe quę ie me donnasse l’honneur
de me dire de V. A.

MONSEIGNEVR,

Le tres-humble & obeyssant
soruiteur GEORGE DE PARIS.

A PARIS, Chez NICOLAS BOISSET, Imprimeur, Rüe
Galende á l’Image Sainct Estienne.