leur en fera peindre, repliqua Mazarin, c’est ainsi
qui les demandent, respondit le Courier, car
vous estes trop animé pour leur profit. Apres ce
discours le Cardinal luy prit la lettre adressante
au Roy du President de M. dans laquelle estoit
la copie de l’Arrest, l’vne & l’autre furent leuës
tout haut deuant le Roy, elle ne manqua pas de
commentaires, car chacun se mit à y gloser, pour
pour y trouuer le mot pour rire, mais apres la
lecture, le Cardinal ne dit autre chose, ô bien,
quand nous aurons deffait l’Archiduc nous irons
remercier le Parlement & Messieurs les Bourgeois
de Paris : cependant quelque mine que fit
le Cardinal, il auoit le martel en teste, ce qui l’obligea
à se retirer auec le sieur F.

Il fit plusieurs reflexions sur la teneur de cét
Arrest, & se mit à dire, comment ceux qui tenoient
mon party n’ont donc pas esté les plus
forts.

Le sieur F. Monsieur, ils se sont souuenus de
l’Hostel de Ville, ils n’ont pas voulu faire les fols
dauantage.

Le Card. Il n’importe, tant que le Roy aura
des troupes en campagne & des Villes pour
se retirer, ie tiendray bon, il ne se faut iamais
dépiter contre les outrages d’autruy, il n’est rien
tel que d’auoir du courage, car comme dit Seneque,
Magnam foriunam magnus animus decet
iniurias & offensiones superne despicere indignus Cæsaris