des princes trauersant la ville s’alla camper vers
saint Victor.

Quoy que le nombre des Mazarins fut trois fois
plus grand que celuy des Nostres, neantmoins la
victoire nous est demeurée ayãt perdu leurs drappeaux
& abandonné trois pieces de Canon. Ce
qui donnera à songer au Mazarin lequel estoit pendant
la bataille aupres du Roy dans vn pauillon à
Charrone taschant à le diuertir des succez de nos
sanglantes tragedies.

Il y a longtemps que cette Declaration deuroit
auoir esté faite mais qui considerera le nombre
des Mazarins qui president aux assemblées trouuere
qu’il falloit se seruir d’vne occasion telle que
celle qui menace la Ville de si perte pour l’obtenir,
& certes si Paris ne se fut mis sous la protection
des Princes elle ne pouuoir attendre qu’vne
entiere desolation. Le soupçon que les Mazarins
auoient ietté dans l’esprit des peuples que les
Princes auoit fait vn secret acommodement auoit
tenu en suspens nos Bourgeois, mais depuis qu’õ
les a veu combattre pour la deffence de nos maisons
& de nos vies personne ne fait difficulté de se
ietter de leur party aussi huict Colonels de seize
qu’il y en a dans la Ville ont signé cette Declaration
auec plusieurs notables Bourgeois la Bastille
a donné le signal de cette vnion de laquelle
nous deuons esperer la ruine du party Mazarin, &
la Paix, & la tranquilité de tout le Royaume.