Anonyme [1652], LA CENSVRE ET L’ANTIDOTE DE QVELQVES MAXIMES tres-pernicieuses, contenuës dans vn libelle qui a pour titre, Le recit du duel déplorable entre Messieurs les Ducs de Beaufort, & de Nemours. Addressé à la Noblesse Raisonnable & Chrestienne. , français, latinRéférence RIM : M0_672. Cote locale : B_9_23.
Page précédent(e)

-- 12 --

vt eruenta corporum mente etiam animarum perniciem lucretur,
ex Christiano orbe penitus exterminetur.

 

Concil. Trident.
Sess 25. c. 19.

Donc que les Nobles considerans qu’ils sont obligez à vn
plus grand exemple de vertu que les autres, à cause de leur
condition, ayent en horreur ces execrables maximes, que
i’ay icy exposé : & prenans d’autres sentimens & d’autres pensées,
s’occupent en des actions veritablement Chrestiennes,
& veritablement genereuses, comme est celle de reseruer leur
sang & leur courage pour la defense de la Foy, pour l’Estat,
& pour le seruice de leur Prince, & designer auec tant de
personnes illustres la detestation du duel.

EXTRAICT DV DECRET DV
Concile de Trente, contre les Duels, en la Session
vingt-cinquiesme. Chap. 19.

QVE le detestable vsage des Duels introduit par l’instigation
du diable, pour perdre les ames auec les
corps, soit entierement aboly du Christianisme.

Que ceux qui se seront engagez en ces mal-heureux combats,
& leur Parains, soient reputez à iamais pour excommuniez
& infames.

Que selon les Saints Canons, ils soient punis comme homicides,
& priuez de sepulture dans l’Eglise.

Mesmes ceux qui auront conseillé, soustenu, ou authorisé
en quelque façon le Duel, soit en droit ou en fait, ou qui
mesme en auront esté les spectateurs, qu’ils soient excommuniez,
& leur memoire en malediction éternelle, quelque
priuilege ou mal-heureuse coustume que l’on puisse alleguer
au contraire.

FIN.

Page précédent(e)


Anonyme [1652], LA CENSVRE ET L’ANTIDOTE DE QVELQVES MAXIMES tres-pernicieuses, contenuës dans vn libelle qui a pour titre, Le recit du duel déplorable entre Messieurs les Ducs de Beaufort, & de Nemours. Addressé à la Noblesse Raisonnable & Chrestienne. , français, latinRéférence RIM : M0_672. Cote locale : B_9_23.