S. D. S. M. / Laffemas, abbé Laurent de [?] [1649], PROCEZ BVRLESQVE ENTRE MR LE PRINCE ET MADAME LA DVCHESSE D’ESGVILLON, AVEC LES PLAIDOYERS. Par le S. D. S. M. , françaisRéférence RIM : M0_2884. Cote locale : C_8_37.
En apres prit conclusion, Disant n’estre de lesion, Et que clause estoit authentique, Faite en forme fort iuridique, Par laquelle dans le contract, Par homme fait n’estant grain fat, La Princesse auoit à l’hoirie, Renoncé quoy que l’on en die, Puis demanda commission, Et d’auoir la permission, Pour exacte recherche faire, Des deniers que par la misere, Des peuples, deffunct Cardinal, Soit sous le tiltre d’Admiral, Ou bien sous quelque pretexte autre, Auoit pris du mien & du vostre, Et qu’à l’Estat l’argent seruit, Qu’à l’Estat autresfois rauit ; Ainsi dans l’Espargne Royale, Que l’on mette somme totale.
Quand tout dit il eut, il se teut, Et ie croy que d’vn Substitut, Luy fut fort bien venu l’vsage, Pour vn peu frotter son visage, Car ayant parlé long-temps hault, Il ne pouuoit que moult n’eust chault ;
Adonc il se sied & s’essuïe, Et pendant que le monde bruïe. Monsieur le Premier President, Opinions va demandant, A tous les Conseillers d’Eglise, Portans au menton barbe grise, Puis à Messieurs Conseillers Lais, Anciens Iusticiers du Palais.
S. D. S. M. / Laffemas, abbé Laurent de [?] [1649], PROCEZ BVRLESQVE ENTRE MR LE PRINCE ET MADAME LA DVCHESSE D’ESGVILLON, AVEC LES PLAIDOYERS. Par le S. D. S. M. , françaisRéférence RIM : M0_2884. Cote locale : C_8_37. |
|||||