S. D. S. M. / Laffemas, abbé Laurent de [?] [1649], PROCEZ BVRLESQVE ENTRE MR LE PRINCE ET MADAME LA DVCHESSE D’ESGVILLON, AVEC LES PLAIDOYERS. Par le S. D. S. M. , françaisRéférence RIM : M0_2884. Cote locale : C_8_37.
De moy pour mon sentiment dire, Non que ie pretende mesdire, Mais tant seulement raisonner Sans pour ce passionner, Quand Lieutenance Magistrale, Et Iustice Presidiale, De gens tenans le Chastelet (Non trop loin de la pierre au laict) Eurent d’adjuger la puissance, Ce Duché dans leur Audiance ; Ils deuoient bien se souuenir, Que toute grace il faut bannir, Alors que l’on rend la Iustice : Qu’il ne faut suiure le caprice Des puissans, ny de la faueur, Et que tout homme ayant grand cœur, Au pauure, aussi bien comme au riche D’equité ne doit estre chiche : Que si Monsieur le Lieutenant, En ce temps le Siege tenant, Eust bien consideré l’affaire, De tous il eust receu l’enchere, Et sans precipitation, Eust fait l’adjudication ; Par ainsi, toutes les personnes Dont les debtes estoient fort bonnes, Eussent receu contentement, De leur deub ayant payement : Mais l’authorité Cardinale Forçea pour lors la Magistrale, Chacun aussi sçait bien comment, Falloit obeir promptement. Quand Gaultier eut fait sa replique, Qui n’estoit mal satyrique, Suruint l’Aduocat Chenuot, Qui ne boit pas si bien qu’Huot.
S. D. S. M. / Laffemas, abbé Laurent de [?] [1649], PROCEZ BVRLESQVE ENTRE MR LE PRINCE ET MADAME LA DVCHESSE D’ESGVILLON, AVEC LES PLAIDOYERS. Par le S. D. S. M. , françaisRéférence RIM : M0_2884. Cote locale : C_8_37. |