S. D. S. M. / Laffemas, abbé Laurent de [?] [1649], PROCEZ BVRLESQVE ENTRE MR LE PRINCE ET MADAME LA DVCHESSE D’ESGVILLON, AVEC LES PLAIDOYERS. Par le S. D. S. M. , françaisRéférence RIM : M0_2884. Cote locale : C_8_37.
Page précédent(e)

Page suivant(e)

-- 18 --


Illustres dedans leur naissance,
Et presque de diuine essence,
Tel qu’est Monsieur le Duc d’Enguien,
Prennent bonne part dans ce bien ;
Ainsi que dans son origine,
Et dedans sa source pristine,
Ce grand auoir retournera,
Et que public content sera,

 

 


Quand à moy i’oserois bien dire,
Maintenant qu’vn peu l’on respire,
Que Gaultier, raison bonne auoit.
Car on sçait que cil qui mouuoit,
A son desir, toute la France,
N’a pas gagné tant de cheuance,
Par le grand trauail de son corps,
Ains, qu’il a ioüé tous ressors,
Sans donner repos à son ame.
Ny se soucier d’aucun blasme,
Pour amasser biens, & honneurs,
Pour deposseder gouuerneurs,
Et pour mettre dans sa Famille,
Plus d’or que n’en a la Castille :
Illustres chefs faisant couper,
Pour leurs dignitez vsurper.

 

 


Mais trop ie fais le Politique,
Et ie sors de mon ecliptique,
Pour sur le passé raisonner,
Dequoy l’on me pourroit berner.

 

 


Voyons plustost le graue Hilaire,
Manifester sa mine austere,
Et commencer sa cause ainsi :
Puis qu’on nous a conduits icy ;
D’Eguillon la noble Duchesse,
Deuant vous tous, Messieurs, confesse,
Que perdre l’on ne la veut pas ;
Car ce seroit estrange cas,
Page précédent(e)

Page suivant(e)

S. D. S. M. / Laffemas, abbé Laurent de [?] [1649], PROCEZ BVRLESQVE ENTRE MR LE PRINCE ET MADAME LA DVCHESSE D’ESGVILLON, AVEC LES PLAIDOYERS. Par le S. D. S. M. , françaisRéférence RIM : M0_2884. Cote locale : C_8_37.