Liuer, Lotomne, le Printans,
Place Reale, le Reome,
Saint Ogustin, & S. Gerome,
Et retranchant mal à propos
L’S de la pluspart des mots ;
Comme, d’Estat, dotter, de nostre
D’estre d’estonnement, d’Apostre,
Dont son vsage est mal traité
Autant & plus qu’il fust du T.
Lorsque de toutes leurs querelles
Elle fit iuges les voyelles,
Si bien que les petits Grimaux
Ne rencontrans point tous ces mots
Suiuant nostre ordre alphabetique
Qui retient l’Orthographe antique,
Entrent aussi-tost en courroux,
Et lors nous frapent à grands coups,
Soufflettant le Dictionnaire
Aussi bien que le Despotaire.
Mais tout cela n’est rien au pris
De ce que nous auons appris,
Que Vaugelas dans sa Harangue,
Oppinoit à nouuelle langue,
Et que sous vostre authorité
En dépit de l’antiquité,
Dans son nouueau Vocabulaire
Et dans sa nouuelle Grammaire,
Il supprimoit nos dictions

Page précédent(e)

Page suivant(e)