Introducteur de la raison,
Et que depuis plus de cent lustres
Tousiours par des emplois illustres,
Il sert vtilement nos Rois ;
Dans leurs traitez & dans leurs Loix,
Et fust, non sans quelque risée
Sa remonstrance authorisée,
Par S. Amant, & par Faret,
D’vne Chanson de cabaret,
Dont, car, commençant la reprise
Fait que tout le monde l’a prise,
Que lors par trois ou quatre fois
Ils chanterent à haute vois,
En pleine troupe Academique,
En faisant à Baro la nique,
Voire mesme quelques esprits,
Qui meschamment ont entrepris
De nous reduire à l’indigence,
Vouloient contre toute apparence,
Par brigues & par faux tesmoins,
Proscrire, encore, neantmoins,
Pourquoy, d’autant, cependant, oncques
Or, toutefois, partant, & doncques,
Et prononcer vn interdit,
Tant contre, ladite, & ledit,
Que contre, lequel & laquelle
Vn quidam, vn tel, vne telle ;
Mais graces à l’Abbé Chambon,

Page précédent(e)

Page suivant(e)