Le Dru, Nicolas [signé] = Laffemas, abbé Laurent de [?] [1649], LETTRE A MONSIEVR LE CARDINAL, BVRLESQVE. , françaisRéférence RIM : M0_1813. Cote locale : C_4_40.
Page précédent(e)

Page suivant(e)

-- 10 --


A la science qu’il auoit
De Politique & d’homme adroit.
Comme vous auiez la puissance,
Et de deniers grande abondance,
Vous pouuiez finir nos langueurs,
Et, parla Paix gagner les cœurs.
Elle n’estoit que trop facile,
Grace au genereux Longueuille,
Si vous n’auiez point trauersé
Ce qu’il auoit bien commencé.

 

 


Voila ce qu’il vous falloit faire,
Pour estre long temps necessaire.
Sur tout il se faloit garder,
Sans vn peu trop se hazarder,
De toucher aux Cours Souueraines,
Qui pour la pluspart sont hautaines,
Et sanglent vn homme tout net
Par Arrest de six cens dix-sept,
Et de Ianuier, en cette année,
Où l’on vous l’a belle donnée,
Voila que c’est de s’ingerer
Aux affaires de l’Estranger.
Excusez, Iules, ie vous prie,
Si, d’vne plume si hardie,
Ie semble auiourd’huy vous parler :
Ie ne sçaurois dissimuler,
Ie dis icy ce que ie pense,
Non par esprit de médisance :
Mais bien, par le dépit que i’ay,
Que vous n’auez point ménagé
Cet honneur que vous auiez, d’estre
Aussi puissant que nostre Maistre,
Faire de nouueaux Reglements,
Disposer des Gouuernements,
Conferer tous les Benefices,
Créer, supprimer des Offices,
Page précédent(e)

Page suivant(e)

Le Dru, Nicolas [signé] = Laffemas, abbé Laurent de [?] [1649], LETTRE A MONSIEVR LE CARDINAL, BVRLESQVE. , françaisRéférence RIM : M0_1813. Cote locale : C_4_40.