Le Dru, Nicolas [signé] = Laffemas, abbé Laurent de [?] [1649], LETTRE A MONSIEVR LE CARDINAL, BVRLESQVE. , françaisRéférence RIM : M0_1813. Cote locale : C_4_40.
Chacun va cherchant son salut, Diuersement au mesme but, Car vostre Troupe Theatine, Qui fait vœu d’estre peu mutine, Ne croyant point de seureté En nostre Ville & Vicomté, A fait Flandre, & dans des cachetes A serré les Marionettes, Qu’elle faisoit voir cy-deuant Dans les derniers iours de l’Auant, Voulant cette Troupe nouuelle, Aller se reioindre à Briguelle, Iusqu’à tant que, dans ce quartier, Soit en partie, ou tout entier, Vous reueniez prendre seance Au Palais de vostre Eminence, Pourueu que vous vouliez chercher Des lits afin de vous coucher : Car, pour ne vous y point attendre, Ces iours passez on a fait vendre Vostre precieux demeurant, Et vos meubles Au plus offrant, Exceptés la Bibliotheque, Qui demeure pour hypotheque A tous les sçauans de Paris, Qui n’estoient point vos fauoris : Encor qu’en bonne conscience Ils meritent bien recompense,
Le Dru, Nicolas [signé] = Laffemas, abbé Laurent de [?] [1649], LETTRE A MONSIEVR LE CARDINAL, BVRLESQVE. , françaisRéférence RIM : M0_1813. Cote locale : C_4_40. |