Car vostre Trouppe Theatine
Qui fait veu d’estre peu mutine,
Ne croyant point de seureté
En vostre Ville & Vicomté,
A fait Flandre & dans des Cachettes
A serré les Marionettes :
Qu’elle faisoit voir cy deuant
Dans les derniers iours de l’aduent,
Voulant cette trouppe nouuelle
Aller se rejoindre à Briguelle,
Iusqu’à tant que dans ce quartier,
Soit en partie ou tout entier,
Vous reueniez prendre seance,
Au Palais de vostre Eminence ;
Pourueu que vous vouliez chercher
Des lits afin de vous coucher :
Car pour ne vous y point attendre
Ces iours passez on a fait vendre
Vostre precieux demeurant
Et vos meubles au plus offrant,
Excepté la bibliotheque
Qui demeure pour hypotheque
A tous les sçauans de Paris
Qui n’estoient point vos fauoris ;
Encor qu’en bonne conscience
Ils meritent bien recompence.

Les Theatins outre
la predication
qu’ils taisoient
cet Aduent dernier,
en Italien,
voulant emouuoir
l’assemblee
par les yeux, aussi
bien que par les
oreilles, faisoient
parestre des petits
personnages,
pareils à ceux
qu’on voit passer
au dessus de
l’Horloge du
Marché neuf,
quant les heures
sonnent : pour represente :
quelque Histoire
Saincte. Ce qui
tenoit plus de
l’artifice de l’Italieu,
que de la
deuotion du
François.