Il est vray qu’en ce dernier poinct,
Cher Iule, vous ne sçauez point
La science ni la practique
Du gouuernement politique,
Ie vous en parle franchement,
Et châcun dit communement
Que si par le conseil d’vn autre,
Loin de faire suiure le vostre,
Vous vous fussiez pû contenter
D’obeir & d’executer,
Vous auriez tousiouts fait merueilles,
Tesmoin l’action nompareille
Que vous fistes près de Casal,
On n’a iamais rien veu d’ègal,
Il faut que tout chascun l’auoüe,
Et que’en passant ie vous eu loue,
Sans contredit, ce coup fut beau
Mais ce fut vn coup de chapeau :
Depuis sans se faire de feste
Il falloit faire vn coup de teste
Où fuir les degrez les plus hauts
Peur de faire voir vos defauts,
Pour le moins si ce vous fut force
De prendre à cette douce amorce,
I’entends l’honneur de dominer,
Il s’y falloit mieux gouuerner,
Il falloit estre fauorable,
Doux, humain, visible, traitable,
N’auoir aucune passion,
Abolir la proscription,
Ne causer la mort à personne
(Pour le moins à la Barillonne)
Ce n’est pas tout que s’esleuer,
L’esprit est à se conseruer.
Vous connoissez bien qu’elle peine
Vous font Pierre encise & Vincenne,
Vous en connoissez le hazard,

Page précédent(e)

Page suivant(e)