A mis en cendre vn gros volume,
Où i’auois peint de vos beautez
Les traits charmans, les Majestez,
Toute la troupe des charites
En vn mot tout vos grands merites,
I’y faisois briller les beaux Arts
Cependant ce grand liure est ars,
Ce malheur ne fait pas ma plainte
D’vn plus grand mal i’ay l’ame atteinte,
Et ce mal se nomme autrement
L’effet d’vn grand embrazement,
Si vous ne l’allegez Ragonde
Ie me vay ietter dedans l’onde,
Et pour lors Dieu vous punira
Des maux que gros Guillaume aura ;
Mais i’espere belle Ragonde
Diuinité pour qui le monde
Bastira cent fois plus d’autels
Que n’en auoient les immortels.
Cher Rome qui lors fut Payenne
A fin que chacun s’en souuienne
Ie mets ce mot expressément
Car on pourroit asseurément
Censurer cette pauure lettre
Si ne voulions ainsi le mettre,
Or ie sçauon grace au bon Dieu
Placer chaque chose en son lieu :
Car ie crains trop qu’vn Commissaire
Me dise il failloit ainsi faire,
I’espere ô supreme beauté

Page précédent(e)

Page suivant(e)