Anonyme / ou Chauvigny de Blot, Claude de [?] [1649], LA CVSTODE DE LA REYNE QVI DIT TOVT. , françaisRéférence RIM : M0_856. Cote locale : B_4_15.
Mes yeux, de quel effroy ne fuste vous surpris, Voyant que la nature affrontant la nature, Portoit contre elle mesme l’image de l’injure Execrable attentat d’vn si iuste mespris.
Mais pour comble d’horreur qui les rend odieux, Et quel esbloüissement frapperent mon oreille Quand ce cœur enflammé d’vne playe mortelle Exalloit en soupirs vn amour furieux.
Ses objects effroyable estonna tous mes sens, Ma raison suspenduë, & ma veuë esgarée Ne me peurent seruir de conduitte asseurée, Ie fus contraint d’oüir ces funeste accens.
Iulle que i’ayme plus que le Roy ny l’Estat, Ie te veux tesmoigner ma passion extresme En perdant le Royaume, en me perdant moy-mesme, Afin que tu profite en ce Noble attentat.
Ie ne pardonneray à mon Sceptre pour toy Que l’Vniiers entier me blasme & me deteste, En te donnant ma Foy, Cher espoux, ie proteste : Ie t’ay pris pour mõ Dieu, pour ma Loy, pour mõ Roy.
Que tout autre deuoir te cedde à mon Amour, Puis qu’à ton interest i’expose vne Couronne, Pour qui l’ambition tout le reste i’abandonne, Ie te conserueray ou ie perdray le tout.
Anonyme / ou Chauvigny de Blot, Claude de [?] [1649], LA CVSTODE DE LA REYNE QVI DIT TOVT. , françaisRéférence RIM : M0_856. Cote locale : B_4_15. |
|||||