de mesme, SIRE, vous ne ferez iamais rien, qui ne
soit à la gloire de vostre Royaume, & aux auantages de
vos peuples, tandis que Dieu sera vostre conduite, &
que vostre âge innocent l’obligera à des soins particuliers
pour la conseruation de vostre personne, aussi
bien que celle de vos fidels Seruiteurs & Suiets. Enfin,
GRAND ROY, comme il est vray que les cœurs des Rois,
& particulierement des Saincts, sont entre les mains de
Dieu ; que leur puissance dépend de son authorité souueraine ;
qu’ils sont establis par luy pour estre les Arbitres
de nos fortunes, ou de nos disgraces ; les Dispensateurs
de nos vies & de nos biens ; la cause de nostre ruïne,
ou de nostre bon-heur. Sommes nous pas asseurez que
Dieu qui donne le bransle & le mouuement à ce cœur,
l’inspirera puissamment à nous rendre heureux, & à
faire reuiure sous son regne vn siecle d’or & de benediction ?
Et certes pour auoir veu ces iours passez quelques
troubles dans l’Estat, nous ne deuons pas pour cela
douter, GRAND PRINCE, de nostre felicité : estant
certain que comme vne santé trop vigoureuse est vne
marque asseurée d’vne longue & violente maladie ;
qu’vne trop grande bonace est toûjours suiuie de furieuses
tempestes ; & que le Soleil qui lance des rayons
auec vne chaleur extraordinaire, menace d’orages & de
pluyes ; qu’ainsi le Royaume qui jouït d’vne trop longue
tranquillité, est sur le poinct de souffrir beaucoup de
calamitez, de desordres & de malheurs. C’est, GRAND
PRINCE, ce que nous n’apprehendons pas ; & apres cette
legere purgation, nous esperons jouïr d’vne parfaite
paix, & d’vne tranquilité sans alarmes. Les Orateurs

Page précédent(e)

Page suivant(e)