LOVIS par la grace de Dieu
Roy de France & de Nauarre :
A tous ceux qui ces
presentes lettres verront,
SALVT. C’est auec extréme
regret que toutes les preuoyances
que nous auons peu apporter pour empescher
les mauuais desseins de nostre
Cousin le Prince de Condé, n’ayent peu
auoir l’effect que nous auions tant souhaitté,
puisque c’estoit le moyen d’empescher
la ruine & la desolation de nostre
pauure peuple. Nous nous estions promis
que les plaintes publiques que nous auiõs
faites de sa mauuaise conduite, luy feroient
assez connoistre, que ses attentats
à l’authorité Royale estoient sçeus, &
qu’ainsi il se rendroit aussi-tost en son
deuoir. Ces Declarations d’innocence que
nous luy auons accordé, & celle que nous
auons fait publier à nostre presence, tenant
nostre lict de Iustice en nostre Parlement,
lors de la Declaration nostre Maiorité,
le deuoient tellement satisfaire,
qu’il deuoit en mesme temps, prendre