leur donjons, s’il se fust contenté de la plus rigoureuse
Prison qu’ayent iamais souffert les plus criminels, qu’il
ne les eust pas attaquez dans la partie la plus sensible,
qui est leur honneur, & n’eust pas affecté par vne malice
sans exemple, de faire passer les plus belles actions
de leurs vies pour criminelles & pour des desseins formez
d’enuahir la Souueraineté.

Ce ne leur est pas vn petit aduantage, qu’apres auoit
trauaillé depuis si long-temps à dresser des memoires
de leur accusation, il aye esté reduit à leur reprocher
qu’ils ont hasardé les batailles & les victoires, qu’ils ont
remporté des victoires, qu’il aye esté contraint de faire
passer ces glorieuses actions pour des crimes, pour
des attentats à l’authorité, & à la Souueraineté, qu’il
aye esté obligé de calomnier leurs moindres pensées,
& mesme leurs entretiens de famille qu’il prend pour
des conjurations, de mal interpreter les conseils qu’ils
ont donné pour le bien du seruice du Roy, qu’il aye tenu
registre de leurs paroles, & que malicieusement il
leur donne vne interpretation contraire, & à leur sens
& à leurs bonnes intentions, c’est vn aduantage, dis-je,
qu’apres vne recherche si exacte, il aye luy-mesme reconneu
qu’vne Declaration composée de tous ces faits
qu’il met en auant, & de tous les bruits du peuple qu’il
ramasse auec tant de soin & qu’il exagere auec tant
d’artifice, n’auroit pas esté verifiée dans le Parlement,
& que pour cet effet dans vne occasion si importante,
il aye esté forcé contre l’ordre & contre ce qui s’est
tousiours pratiqué, d’auoir recours à vne Lettre de Cachet,
pout éuiter la deliberation ou plustost la censure
de cette Illustre Compagnie.

Mais puis que le Mazarin ne pardonne à aucune de
leurs actions, Monsieur le Prince est obligé de commencer
par la iustification de sa conduite dans son premier