par vne desolation publique.

Mais supposé qu’en assistant les Parlements il eust
trouué l’authorité & le pouuoir d’vn premier Prince
du Sang, moins libre & vn peu trop dependant de ses
Compagnies, n’a-il pas encore eu vne occasion plus
fauorable de se faire Chef de Party, de prendre les armes,
de commander seul, d’engager toutes les Compagnies
du Royaume & tous les bons François, ou directement
ou indirectement dans ses interests, de s’attirer
la faueur, les vœux, & les acclamations des peuples,
de mettre le plus grand nombre des gens de guerre
de son costé, ne le pouuoit-il pas, en demeurant
ennemy dés l’heure du Cardinal Mazarin, n’auoit-il
pas pris le pretexte le plus beau & le plus plausible & le
mieux receu qui ait iamais esté, tout le monde tournoit
de son costé, & l’on auoit abandonné la fortune de ce
Ministre, qui fut contraint de feindre vne maladie,
pour couurir la honte de se voir si negligé, les peuples
reuenoient de l’aduersion qu’ils auoient tesmoignée
pour Monsieur le Prince pendant la guerre, & ils
commençoient à dire qu’ayant eu la gloire de soustenir
l’authorité Royale, il ne luy restoit plus à obtenir
que celle de chasser ce Perturbateur du repos public,
qu’il s’estoit conseruée contre la force des peuples & la
puissance des Parlemens.

S’il eust eu ces desseins de Souueraineté dont on
l’accuse, eust-il perdu des occasions si fauorables, &
eust il dit à ses seruiteurs qui luy conseilloient de ne
se point reconcilier auec le Cardinal Mazarin, que
n’ayant peu obtenir de la Reyne qu’elle le chassast, &
affermit par son esloignement la tranquilité publique,
il estoit obligé de prendre les armes, & faire vn
Party, ou d’obeyr à sa Majesté, & se r’accommoder
auec luy, & qu’il aimoit mieux accepter ce second party