plus forte pour la faire obeyr que toutes les armées :
En second lieu ie luy demande si l’on ne connoissoit
pas son insuffisance & son incapacité auparauant que
Monsieur le Prince prit aucune part aux affaires, si
l’on ne sçauoit pas que toute sa Politique ne consistoit
qu’en des fourbes & des artifices, qui ne seruent qu’à
gaigner quelque temps & laisser les affaires incertaines
& sans conclusion, & qui laissent tousiours du méprix
d’vn Ministre qui s’en sert. En troisiéme lieu qui
ne sçait que lors que le Cardinal Mazarin souffroit que
le Parlement gagnast credit par de continuelles deliberations
qui engageoit les Officiers & les peuples
dans ses interests, Monsieur le Prince s’opposoit aux
Ennemis de l’Estat, & que le Cardinal Mazarin ne
perdoit pas par sa mauuaise conduite le fruit de la bataille
de Lens ; qu’il n’estoit pas à Paris lors que cette
Vnion solemnelle fut iurée entre les Compagnies
Souueraines. Il eust esté d’auis ou de n’y apporter aucune
resistance, pour la laisser dissiper d’elle-mesme auparauant
qu’elle conneust ses forces, & n’eust pas conseillé
de faire vn exemple sur Messieurs du Grand’-Conseil
& de la Cour des Aydes qui estoit iniuste, qui
n’a seruy qu’à faire paroistre la foiblesse des resolutions
du Conseil d’Enhaut, & à fortifier le Parlement,
que l’authorité Royale receut le dernier coup dans
l’entreprise qu’on fit contre Monsieur de Broussel, dés
lors qu’il la sçeut il la desaprouua, non pas seulement
parce qu’on auoit pris vn iour sanctifié par vne action
de grace qu’on rendoit à Dieu pour la victoire de Lens ;
Mais dautant que cette action luy semblast tousiours
iniuste, violente, entreprise & conduite auec imprudence.
A son retour de la campagne, il employa tous
ses soins pour pacifier tous les differents que le Parlement
auoit auec le Conseil, & trauailla si heureusement,

Page précédent(e)

Page suivant(e)