cette proposition s’alloit mettre en deliberation, est suruenu la Lettre
de l’vn de Messieurs du Parlement, laquelle a vn peu surpris l’Assemblée,
apprenant que l’on n’auoit point eu de bled à Paris. La proposition
deliberée, a esté arreste que l’on se transporteroit chez son
A. R. pour luy rendre les respects ; Que l’on nommeroit des Deputez
pour conferer auec les siens, & que nostre assemblée seroit au logis
de Monsieur le premier President ; Que les Deputez d’icelle
iroient au Chasteau le iour suiuant & autres de la Conference, & rapporteroient
à l’Assemblée au logis dudit sieur premier President, &
qu’ils confereroient, & que pour la premiere fois que l’on alloit
chez son A. R. l’on n’entreroit en conference, & que l’on ne parleroit
que d’auoir les bleds promis pour le Mercredy, Ieudy, Vendredy
& Samedy. Aussi tost la resolution prise, nous nous sommes
transportez au Chasteau, où Monsieur le premier President a fait vn
petit discours tout debout à Monsieur le Duc d’Orleans, Monsieur
le Prince, Monsieur le Chancelier, Monsieur de la Milleraye, Monsieur
le Tellier, Monsieur de la Riuiere, Monsieur de Brienne, & le
Cardinal vn peu esloigné proche de la cheminée, qui sont les Deputez
de la Conference. Le compliment fait, nous auons laissé son A.
R. dans sa chambre, & sommes passez par vne où les Deputez de
part & d’autre se deuoient assembler, & de là à vne autre où nous
deuions estre. Là estans assis, on a nommé pour Deputez pour la
Conference, pour le premier iour Monsieur le President le Coigneux,
& Monsieur le President Viole. Sur ce que le sieur Saintot
est venu nous dire que Monsieur le Chancelier & Monsieur le Tellier
estoient nommez par son A. R. aussi tost lesdits sieurs Presidens
le Coigneux & Viole ont eu charge de se plaindre de l’inexecution
de la promesse pour les bleds ; & comme ils parloient, Monsieur de
Champlastreux est entré porteur de Lettres du sieur Laisné, Intendant
à Corbeil, lesquelles luy auoient esté baillées par Monsieur le
Prince, par lesquelles on pretendoit iustifier de la diligence faite
pour lesdits bleds ; mais cette Lettre ne nous iustifioit rien de la liuraison.
Apres plusieurs allées & venuës, nous auons obtenu quatre
cens muids de bled pour lesdits quatre iours, moitié de Lagny, moitié
de Corbeil, & à cette fin tous passeports ont esté expediez, & mis
entre les mains d’vn des Escheuins pour y veiller, & en donner aduis
de ce jourd’huy ; mais les cent muids de Mercredy ne nous ont
esté accordez qu’à la charge qu’à l’heure mesme nous receurions
leurs propositions, & baillerions les nostres pour en deliberer. Pourtant
au lendemain nostre proposition a esté l’ouuerture des passages

Page précédent(e)

Page suivant(e)