vn Prelat ambitieux : mais il est inoüy de voir
vn Prestre, qui fait l’hõme de bien & de vertu, se
prosterner deuant vn Tyran, qu’il a nommé cruël
& ennemy de la Patrie, & vouloir encore se preualoir
d’vne vertu toute particuliere, au des aduantage
de ceux qui ont pris les armes pour
chasser ce fourbe & ses adherans. S’il y a de la fidelité
dans cette conduite, elle est pour le Mazarin,
& non pas contre le Mazarin ; elle est contre
les Peuples, & non pas pour les Peuples : qui in
modico iniquus, in maiori iniquus est. Monsieur
le Duc de Beaufort n’en a iamais eu vne pareille :
son affection n’a iamais consideré le party le plus
puissant : il a protegé le plus iuste & le plus foible
& celuy où il n’y a point d’autre recompense
à attendre que l’amour des Peuples. Nulla fidis
vn quam miseros elegit amicos.

Le Coadjuteur pendant la guerre de Paris, esperoit
qu’vne Paix auec l’esloignement du Mazarin
luy procureroit le Chapeau de Cardinal : mais
il a veu que des pauures suiets alloient tousiours
les mains vuides, & que leur misere armee ne dõnoit
ny Abbaye ny honneur. Le Cardinal estant
demeuré par la Paix, & ayant fait emprisonner
les Princes, il a crû deuenir puissant par la faueur
de ceux-cy, il a trauaillé à leur liberté ; & dans sa
prison a voulu obliger Mr. le Prince de Conty a
lui donner son Chapeau de Cardinal, & d’espouser