Ie crois qu’il n’est pas difficile de prouuer
qu’vne personne qui a l’innocence en son cœur
& la vertu dans ses mœurs, n’ayt encore vn
bon-heur tout particulier dans les armes, iustifiées
par les loix de la conscience, & par la
volonté du Souuerain. Outre le courage qui
est en Monsieur le Duc de Beaufort, on ne
peut pas luy disputer vne conduite toute diuine,
auec laquelle il a triomphé par tout de
ses enuieux, de ses ennemis & de ceux de l’Estat.
Les Mareschaux de Chaulne, de Chastillon
& de la Milleraye l’ont veu deuant Arras à la
teste de quatre escadrons de caualerie, repousser
huict autres escadrons de caualerie ennemie,
soustenuës d’infanterie, & les obliger à rentrer
dans la ville auec confusiõ & desordre dignis dat.
Deus victoriam. Parmis nos volontaires commãdez
par le grand Escuyer de France le feu Marquis
de Coassin & le Comte de Grancey à present
Mareschal de France, l’ont veu combattre
l’espée à la main, seul à seul, contre vn Seigneur
Flamand, qui estoit vn des vaillans de l’armée
du Cardinal Infant, Is inferior est, qui honestè vincitur.
si le premier estoit en vie & que le dernier ne
fut point mazarin, ils diroient presentement,
que les ennemis ne furent chassez du Fort qu’ils
auoiẽt pris deuant Arras pour la troisiesme fois,
que par les genereuses attaques des volontaires,
à la teste desquels Mr le Duc de Beaufort estoit
toûjours l’espee en vne main, & le pistolet
en l’autre.