met le peuple en peine de scauoir si elle est la
Femme secrette ou la Concubine publicque
de Champlastreux. Son logis est vn Bordel où
au veu & au sceu de ses Domestiques se retire
la nuict, vne autre Garce qui vient essuyer les
sueurs & les fatigues de son fils, il sçait qu’il a
fauorisé le Rapt de plusieurs filles & que pour
auoir trahi son Cousin de Nully dans la resolution
qu’il auoit prise d’en enleuer vne à sa
mere, qui demeure assez proche de saint Paul,
Il faillit à perdre la vie : que ce Cousin venoit
pour luy oster l’Espée nuë en la main, iusques
dans sa Chambre, si vn vallet n’eust paré aux
coups & n’en eust destourné latteinte, & cependant
ce meschant fourbe, cét ambitieux
cét ypocrite qui fait estat de tromper les
simples, & qui abuseroit si il luy estoit possible
de lauthorité des Souuerains & de la bonté de
la plus grande Reyne du monde, essaye par tous
les mauuais artifices dont son esprit est capable,
d’établir dans vne des premieres Charges
de la Iustice, celuy qui ne fit iamais raison à ses
creanciers, propose pour le maniement des Finãces
celui qui en est le dissipateur : Et en vn mot
vante pour le gouuernement & la reforme de
l’Estat, celuy dont le luxe & la débauche y ont
causé tant de desordres scandaleux. Or cette
legere idée, SIRE, que ie viens de donner à vôtre

Page précédent(e)

Page suivant(e)