des peuples, c’est par la douceur qu’on
les gaigne, & nos passions ne peuuent estre
domptees que par des macerations qui sont
les armes des Religieux & des Anacorettes.
Ouy, Madame, il faut que les Princes agissent
auec leurs sujets, comme les Peres auec
leurs enfans : c’est la pensee d’vn ancien, &
non pas la mienne, vous auez aussi accoustumé
d’agir de cette façon, & l’on n’en seroit
iamais venu à ce poinct ou nous en sõmes, sãs
les mauuaises maximes d’vn estranger qui
vous obsede ; Que vostre Maiesté, Madame,
me pardonne ce terme, & qu’elle ne s’estonne
point de la liberté que ie prens de parler de
la sorte, c’est l’effet du zele d’vn solitaire qui
se sert icy de l’aduis qu’vn grand Empereur
donna autrefois, à son fils, & ce conseil ne
peut estre suspect. L’eleuation des personnes
de basse naissance produict l insolence dedans
leur domination & l’aduancement des meschans,
attire apres soy la condamnation de
ceux qui sont cause de leur fortune, pource
qu’on les rend complices des maux qu’ils
commettent auec impunité. Ayez souuenance

Page précédent(e)

Page suivant(e)