Rozard, N. [signé] [1649], LE TRIOMPHE ROYAL, Et la réjoüissance des bons François, sur le retour du Roy, de la Reine & des princes. AVEC LA HARANGVE QVI LEVR a esté faite à leur entrée à Paris le 18. de ce mois: Ensemble l’explication du Feu artificiel de la Greue. , français, latinRéférence RIM : M0_3884. Cote locale : A_7_60.
Page précédent(e)

Page suivant(e)

-- 15 --

sur tous les Roys de la terre, ce qui leur sert de
glorieux rampart qui les maintiens dans vne perpetuelle
obeissance, & dans des respects tres Religieux &
condignes de la Maiesté d’vn grand Roy, c’est ce que
cognoist vostre Altesse Royalle, à laquelle les peuples
ont detres insignes obligations, d’auoir par ses charitables
soins, obligé la bonté de la Royne Regente à abteger
ce seiour (fatal pour les Parisiens) de Compiegne,
pour venir auec l’eclat de leurs Maiestez dans
Paris, pour y faire leur demeure ; pour restaurer le peuple
& luy donner comme vne nouuelle vie, qu’il semble
auoir perduë par vne si longue & si enuieuse absence,
ie ne puis à present m’empescher de reprendre ma Lyre
chanteresse & de r’appeller le trouppeau des neuf
Sœurs, & de leur dire auec vn t’on d’allegresse.

 

 


Sy quelque fois le trouppeau des neuf Sœurs,
M’a fait gouster ses diuines douceurs ?
Hatans le train de ma tardiue course
Pour aborder de la Seine la sourse,
Et si les vers que i’ay desia trassez
Sont d’vn bon œil receus & caressez
Mesme de ceux de qui la gloire arriue
Bruïans leurs noms de l’vne à l’autre riue !
C’est à ce coup qu’autrement agité
Faut gallopper à l’immortalité ;
Puisqu’à ce coup l’Euthusiasme renflame
Plus viuement le plus chaut de mon ame,
Et qu’à ce coup la grandeur de mon Roy,
Doit receuoir connoissance de moy.
Sonner ie veux d’une nouuelle trompe
L’honneur le bien, l’allegresse, & la pompe,
Que largement la France a respandu,
En ce beau iour, ce beau iour attendu
Ie dy ce iour, auquel le Ciel non chiche,
Page précédent(e)

Page suivant(e)

Rozard, N. [signé] [1649], LE TRIOMPHE ROYAL, Et la réjoüissance des bons François, sur le retour du Roy, de la Reine & des princes. AVEC LA HARANGVE QVI LEVR a esté faite à leur entrée à Paris le 18. de ce mois: Ensemble l’explication du Feu artificiel de la Greue. , français, latinRéférence RIM : M0_3884. Cote locale : A_7_60.