vous faire vn exact recit des derniers actions de la vie
de Monsieur le President de Barillon ; ie sçay que
comme il estoit vostre intime amy, la perte vous en
est fort sensible, & que vous perdites plus de la moitié
de vous-mesme en la mort de ce grand Homme.

Certes, Monsieur, ie puis dire sans flatterie, que
quoy que vous puisse suggerer à son auantage l’affection
que vous luy portez, ce sera tousiours au dessous
de ce qu’il meritoit, & il seroit à souhaitter qu’il eust
esté de luy comme de la lampe du Sanctuaire, ou du
feu des Vestales, qui ne s’esteignoit iamais. Peu de personnes
peuuent rendre comme moy vn veritable tesmoignage
de sa vie ; car bien que ie n’aye eu l’honneur
d’estre cognu de luy que trop tard pour mon instruction,
ie me puis vanter de l’auoir cognu en vn
temps où l’homme sans desguisement estalle iusques
à ses moindres pensées ; joint qu’ayant pris vne estime
de moy, bien au dela de ce que ie vaux, il y auoit
quelque creance, & que pour cét effet il me choisit
entre beaucop d’autres, pour l’assister durant toute sa
maladie : Ie luy donné la derniere absolution, ie le
consolé parmy ses dernieres agonies, & ie ne croy
point que, horsmis moy, pas vn de tous ceux qui l’assisterent
iusques à la mort, vous puisse faire le détail
que vous me demandez, du dernier moment de sa
vie. Il est remarquable par tant de rares circonstances,
que ie ne m’en puis souuenir sans me plaindre de nostre
commune perte, & me resiouïr de son bon-heur
& de sa gloire.

Pleust à Dieu que ie pûsse faire entendre de viue