les Anges, & qui rendent les hommes pires que
les Diables : on s’estonna d’abord de voir parmy nos
troupes ce changement si soudain, & nostre garnison
sembloit estre composée de cette vieille Legion Chrestienne,
qui estoit du temps des Empereurs Romains,
qui auoit autant de Saincts que de Soldats, & qui par
sa deffaite quittant la terre alla peupler le Ciel.

Mais tandis qu’il est parmy ces saintes occupations,
Dieu luy voulut tesmoigner qu’il ne le perdoit point
de veuë ; car, comme les maladie chez les Saincts, sont
ordinairement prises pour des amoureuses visites
qu’il leur fait, afin de les endurcir pour les former au
modelle de IESVS crucifié, & les rendre dignes des
suffrages de sa mort, vne fiévre le prist la nuict du
Vendredy 21. de Iuillet, qui fut pronostiquée par vn
mal de teste, dont il se plaignit tout le iour : le Samedy
& le Dimanche il parut en bonne disposition ; il se fit
porter à l’Eglise dans vne chaire, où il oüyt la Messe,
& le reste du iour il le passa en ses ordinaires exercices ;
mais la nuict vn frisson le prit, qui fut, & plus long &
plus violent, que le premier, ce qui fit soubçonner,
que sa fiévre seroit peut-estre quarte ; nonobstant cét
accez il celloit son mal à tout le monde, & il disoit à
ceux qui le visitoient, que ce mal luy estoit familier, &
qu’en France il estoit fort sujet à la migraine ; mais
quoy qu’il pût dire, le sieur Poncet Medecin de Monsieur
le Lieutenant de la Citadelle, apprehendant
quelque plus violente irruption, luy conseilla de se
purger, ce qu’il fit. Le soin qu’on prist de luy, le fit
contraindre dans son mal ; car, comme il vit qu’on se