de vostre zele & de vostre sincerité au seruice
du Roy & de l’Estat, qu’il suffit de prononcer
vostre nom pour faire admirer vostre
Vertu. Les voyes par lesquelles la bonté Diuine
vous a esleué à vn si haut degré, sont des
secrets particuliers de sa prouidence, qu’elle a
rendus si manifestes par le succez, que nous
n’en sçaurions plus douter : La vigueur que
vous auez fait paroistre à chercher des remedes
à des maux qui sembloient incurables, leur a
enfin apporté la guerison. Nous pouuons dire
que Dieu a remué en vn tour de main la plus
grande machine du monde pour vous deliurer,
& qu’il s’est seruy de vous comme des Prophetes
de l’ancienne Loy pour illuminer le cœur
des Princes des rayons de sa Iustice. Ie louë sa
toute-puissance de la gloire que cét Auguste Senat,
dont vous auez anime tout le corps en a
r’emporté, & particulierement pour vous de ce
que le Roy a recognu que ceux qui le flattoient
n’estoient pas ses plus fideles Seruiteurs. Nous
ne sçaurions desormais tirer qu’vn heureux
presage de son regne, puis qu’il a remarqué de
si bonne heure que sa plus grande force consiste
en l’amour de ses subjets, & que le Ciel desire
de luy qu’il les traicte en Pere pour en estre
obey en Roy. Les grands coups d’Estat ne se
peuuent faire sans quelque violence, mais c’est

Page précédent(e)

Page suivant(e)