traittez dans leur poche, & des Agens de
tous costez qui en commencent vne douzaine
d’autres. I’ay ouy dire à vn d’eux qui auoit bien
remué en son temps, qu’ils ne font du bruit que
pour s’accommoder, & que c’est le peuple enfin
qui passe pour dupe.

Tout le monde sçait qu’il y a à Melun depuis
plusieurs iours, de certains Vespertillions qui ne se
montrent que la nuit (les ouurages des tenebres sõt
ouurages du Diable)on les voit sur le soir se couler
dans le logis du Maz. & de Seruient. On croit que
ces oyseaux nocturnes quand ils auront fait nid,
deuiendront oyseaux de iours : Mais si cette Metamorphose
se fait, ce sera en Corbeaux & en Vautours.
Cependant on amuse la peuple par des grimaces,
on l’échauffe, on l’engage à des vaines hostilité,
dont d'autres que luy tirerent l’auantage.
Peut estre mesme qu’on seroit bien ayse qu’à force
de souffrir, il fust reduit à desirer l’accommodement
que l’on a conclud sans luy, & à redemander
le Mazarin, afin que le traité desia fait auecque
luy, ou du moins fort auancé (si luy-mesme ne le
rompt) puisse se manifester sans leur honte. Dieu
veuille que Paris que se trouue exposé au milieu
de cette querelle, ne soit pas la proye commune de
toutes les armées, comme l’est desia la Campagne
des enuirons. A vous parler serieusement, ie