des affaires de ce temps, l’honneur que
nous deuons à leurs Majestez, à la Patrie, &
aux François ; & comprenant le tout dans
vos sentimens & affections, conduis de Dieu
& assistés d’vne grace tres-particuliere, pour
y auoir si bien reussi par l’entreprise que vous
en auez faite, pour la conseruation du Roy,
de son Royaume, & de son Estat : le soulagement
des Peuples, & principalement pour
les Parisiens & leurs voisins ; ausquels vous
concourez auec le secours qu’ils ont receu
de sa Prouidence.

I’ay receu la vostre, par laquelle vous m’asseurez
que vous auez aux enuirons de Roüen
deux mille Cheuaux, cinq mille fantassins :
Ie vous enuoye cent cinquante Caualiers en
bon esquipage, tres-nobles, conduits par
Messire Philippes de Barrois, Sieur de la
Coursannalle, & Maubisson, petit fils du
descendant & courageux Guillaume de Barrois,
lequel gaigna la bataille du Bourding
pour la deffense de Henry quatriesme pendant
la Ligue, lequel luy & ses compagnons
ne respirent que l’honneur de vous suiure
sans estre à charge à personne. I’ay appris par
la derniere du Sieur de Croissy, que vous
auez de la basse Normandie mille Cheuaux,