auec les Confederez Catholiques dudit Royaume d’Hybernie. Dauantage
ledit Charles I. craignant que ledit D’Eormond à cause qu’il
estoit heretique, n’eust pas pleinement satisfait ausdits Confederez,
deputa le Marquis de Voércester, homme vrayement Catholique,
auec vne commission plus ample, pour aller en Hybernie. Dans
laquelle Commission ledit Marquis de Voércester eust plaine & absoluë
authorité, de faire & conclure la paix auec lesdits Confederez,
& de leur conceder & accorder les conditions totalement satisfactoires,
tant en ce qui concerne la liberté de la foy, qu’aux autres
injures qu’on leur auoit fait. Ce que ledit Marquis de Voércester
menagea & accomplit de poinct en poinct.

De plus, que ledit Charles I. a preferé & donné surintendance
en son armée dans la mesme Angleterre aux Catholiques, à sçauoir
audit Marquis de Voércester, à Arthus Asthon, Cheualier de la Toison,
& à plusieurs autres Catholiques, mesme leur a baillé en gouuernement
des Citez, Camps & autres Forteresses tres-munies & fortifiées.
Ce qui a esté l’vn des principaux motifs de l’attentat funeste
commis en la personne de sa Majesté Britannique, dont il est tres-constant,
que ledit Charles I. mort non Catholique, à perdu la vie
pour les Catholiques.

Derechef, sa Saincteté remarquera, que le mesme Orateur luy represente
humblement, que le present Roy Charles II. principal &
legitime heritier dudit Charles I. & de ses Royaumes, & auquel lesdits
Royaumes sont deub & appartiennent de droit, selon le dire de
nostre Seigneur, Rendez ce qui est à Cesar à Cesar, Reddite quœ sunt
Cœsari, Cœsari.

Du regne mesme & du viuant de son Pere, on a remarqué qu’il
auoit des inclinations bonnes & vrayement naturelles enuers la foy
Catholique, à cause desquelles suiuant de pres les genereuses inclinations
de feu son Pere, commanda tres-expressement audit Marquis
D’Eormond Vice-roy, s’en allant en Hybernie, de satisfaire, en
tout & par tout aux Confederez Catholiques, comme de leur permettre
& leur donner la liberté de l’exercice de leur Religion, de casser
tous les Edits de mort publiez contre eux, de faire restituer tant
aux Laïques qu’aux Ecclesiastiques, les Terres, Maisons & les Heritages
qu’on leur a injustement ostez. Par lesquels mandemens ledit
Marquis obtempetant auec lesdits Confederez & de l’authorité