Tout ce qui sort de leur fessier,
Que les poux, puces & lentes,
Morpions & punaises puantes,
Puissent dedans ton corps épars
Comme estrons dessus les remparts,
Que les chancres & les vlceres
Plus veneneuses que viperes,
Les pustules & les poulains
Que l’on gagne auec les putains,
Et tous les autres grains semblables
Que les François prirent à Naples,
Puissent tous affliger le corps,
Tant au dedans qu’au dehors,
De celuy, ô barbe bigote,
Qui te cultiue & te porte,
Quand tombant tu sois tost ou tard
Comme celle [3 mots ill.],
Ainsi manton, & barbe infame,
Tu deuiendras menton de femme,
Ie te souhaite encore plus,
Et cecy n’est pas superflus,
Que si les choses souhaitées
Vn iour estoient executées,
Tous les poils cheus ou arrachez
A vn masque soient attachez,
Pour seruir de boufonne trogne
Aux fols de l’Hostel de de Bourgogne :
C’est là plustost qu’au Parlement
Que tu paroistras dignement.

FIN. P. B. S.