ce nombre n’est pas comparable à ceux
qui ont demeurez de l’arriere-garde : les
autres s’estant retirez dans Lagny, où les
Princes se disposẽt pour les aller attaquer.
Il y a quelques iours que par ordre de la
Cour, le Maresehal de Turenne auoit demandé
trefue de trois ou quatre iours aux
Princes, pour assembler pendant le temps
des forces pour resister à l’Armee des PP.
qui se monte à dix huict mille hommes. Il
attendoit les Trouppes qui estoit à Moutrõd,
auec celles du Mareschal de Seneterre ;
mais les Princes qui ne demandent qu’à se
signaler par le combat & par la victoire,
ne luy ont pas voulu octroyer ; mais par
leur diligence ont tesmoigné qu’il falloit
decider par le fer vne cause qui tient arrestez
les iugements des Souuerains & des
Peuples de toute l’Europe.

Le Vicomte de Monbas qui commande
la Garnison de Corbeil, ayant sceu que le
bagage des Princes estoit au de ça de la
Seine, partit auec 500. Cheuaux, pensant
de l’enleuer, mais la Cauallerie & infanterie
qui gardoient le Pont de batteaux,