leurs caresses, & ne veulent en aucune façon
flatter leur fureur. Graces à Dieu Messieurs, vous n’estes
pas dans les chaisnes du Mazarin, & vous vous
trouuez hors de l’estenduë de son pouuoir. Mais si
dans vos fortes places vous pouuez resister à sa colere,
ce n’est rien si vous ne triomphez de sa douceur. Vous
seriez mesmes plus criminels de vous rendre à l’vne
qu’à l’autre, & il y auroit pour vous quelque excuse
dans la force, que dedans la faueur vous ne sçauriez
iamais trouuer.

Defendez-vous de l’vne & de l’autre puis que vous
le pouuez aisement faire, & prenez bien garde à ne pas
trahir vostre deuoir. Ce n’est pas assez à vn Gouuerneur
de faire faire quelques fortifications à sa place, de
la munir de tout ce qui luy fait besoin, pour la defendre
contre les ennemis. De la defendre en homme
d’honneur contre les ordinaires. Il faut encores qu’il
l’a conserue des surprises des extraordinaires. C’est
contre tous les ennemis de son Roy quel doit combatre
iusques à la mort, pour la garentir. Il faut qu’il les
cognoisse & qu’il les distingue, & qu’il ne trahisse pas
son maistre, ny par mespris ny par dessein.

Ce ne seroit pas par mespris si vous les faisiez,
Messieurs, vous sçauez assez comme ie vous l’ay desia
dit, que le Cardinal est ennemy du Roy aussi bien que
de ces Sujets. Quand vous l’ignoreriez, toute la France
qui ne peut estre l’ennemie de son Prince, vous le
declare en ce declarant contre luy. Si donc vous pouuiez