Saincte Eglise, comme à ma Mere nourrice, que
pour détromper ceux qui par la calomnie & medisanee
des faux freres, ont creu & croyent encore
que m’estant separé de ceste Saincte Eglise ie
suis où desire faire vne Secte à part, ce que de tout
mon cœur ie deteste, & qui n’est iamais entré
dans ma pensée, en foy de quoy non seulement
i’ay signé ce mot de ma main : mais aussi apres
auoir humblement demandé plusieurs fois (depuis
plus de cinq ans qu’on me persecute) à diuers
Pasteurs & des principaux la notte des erreurs
pour lesquelles on me scandalisoit en me publiant
heretique, & la charitable correction de mes defauts
sans auoir peu obtenir ny l’vn ny l’autre, ie requiers
derechef humblement par la presente à
Mossieurs nos Pasteurs de la tres-Saincte Eglise
Catholique Apostolique & Romaine la mesme
notre & correction charitable, s’il en est necessaire,
protestant à leur reuerence de la receuoir auec
toute l’humilité, l’affectiõ & la simplicité que tout
bon Chrestien doit faire, desirant en profiter autant
que la gloire de Dieu & mon salut le requiert,
& que Dieu mesme m’en fera la grace selon que
ie l’en supplie tres-humblement, & que ie supplie
aussi tous les gens de bien de m’y ayder par leurs
prieres, renonçant à tout ce que par cy-deuant

Page précédent(e)

Page suivant(e)