Morgues, Mathieu de [1643], LES DEVX FACES DE LA VIE ET DE LA MORT DE MARIE DE MEDICIS ROYNE DE FRANCE VEFVE DE HENRY IV. MERE DE LOVYS XIII. ROYS TRES-CHRESTIENS. DISCOVRS FVNEBRE. Par Messire MATTHIEV DE MOVRGVES Sr. de Sainct Germain, Docteur en Theologie, premier Aumosnier & Predicateur de ladite DAME ROYNE; Predicateur du ROY CATHOLIQVE, & Preuost de Harlebeke en Flandres. DEDIÉ A LA ROYNE CATHOLIQVE. , français, latinRéférence RIM : Mx. Cote locale : D_1_3.
Page précédent(e)

Page suivant(e)

-- 25 --

rencontre, dans lequel furẽt defaites quelques troupes
de son party, le plus grand qu’on aye iamais veu
en Frãce ; mais le plus malheureux, parce qu’il estoit
conduit par vn homme, qui le sacrifia à ses interests,
Le seul biẽ qui en arriua à la Reyne fut qu’elle reuint
à la Cour, c’est à dire, qu’elle s’approcha des subiets
de nouuelles afflictions ; ayant vescu vne année en
danger continuel, & deux autres années sans aucun
credit. Apres l’auoir acquis auec peine, elle le donna
à vn Prelat, qui estoit sa creature, l’ayant auancé aux
premieres dignitez de l’Eglise, l’ayant chargé de benefices,
d’argent & de meubles precieux, iusques à
auoir accable sa recognoissance. Il fit voir que Seneque
disoit vray, lors qu’il asseuroit, que le prest d’vne
petite somme rend vn homme obligé, & que celuy
d’vne trop grande partie le fait deuenir ennemy :
que certains naturels hayssent dauãtage, lors qu’ils
doiuent dauantage : que ietter trop de bois & tout à
coup dans vn feu, est le moyen de l’esteindre ; & que
d’en mettre moderemẽt, & peu à peu, est l’inuentiõ
pour l’entretenir. La Royne a recognu cette verité
à ses despens : l’Autheur de ses afflictions ayant esté
celuy, qui deuoit estre le procureur de son repos.
Mais cette ame ambitieuse estoit vn feu qui cõsumoit
tous ce qu’õ y iettoit & son auarice estoit vn
abysme, dans lequel toutes les liberalitez se perdoiẽt
Cet homme desiroit de posseder par soy-mesme ce
Page précédent(e)

Page suivant(e)


Morgues, Mathieu de [1643], LES DEVX FACES DE LA VIE ET DE LA MORT DE MARIE DE MEDICIS ROYNE DE FRANCE VEFVE DE HENRY IV. MERE DE LOVYS XIII. ROYS TRES-CHRESTIENS. DISCOVRS FVNEBRE. Par Messire MATTHIEV DE MOVRGVES Sr. de Sainct Germain, Docteur en Theologie, premier Aumosnier & Predicateur de ladite DAME ROYNE; Predicateur du ROY CATHOLIQVE, & Preuost de Harlebeke en Flandres. DEDIÉ A LA ROYNE CATHOLIQVE. , français, latinRéférence RIM : Mx. Cote locale : D_1_3.