Morgues, Mathieu de [1643], LES DEVX FACES DE LA VIE ET DE LA MORT DE MARIE DE MEDICIS ROYNE DE FRANCE VEFVE DE HENRY IV. MERE DE LOVYS XIII. ROYS TRES-CHRESTIENS. DISCOVRS FVNEBRE. Par Messire MATTHIEV DE MOVRGVES Sr. de Sainct Germain, Docteur en Theologie, premier Aumosnier & Predicateur de ladite DAME ROYNE; Predicateur du ROY CATHOLIQVE, & Preuost de Harlebeke en Flandres. DEDIÉ A LA ROYNE CATHOLIQVE. , français, latinRéférence RIM : Mx. Cote locale : D_1_3.
-- 14 --
plus vtile à ceux qui la font, ni plus dommageable à
ceus qui la souffrent. Son Pere, ayant par sa mort
inopinée laissé nostre Princesse entre les mains du
Grand Duc Ferdinand ; cet oncle, qui estoit d’vn
naturel iouial, & d’vn entretien agreable, ayma cette
Niepce comme sa fille, & l’honnora comme sa
Maistresse. Il reietta quelques partis qui se presenterent
pour elle ; & la reserua pour vn Roy, ou pour
vn Prince qui pouuoit estre Empereur : cestuy-cy luy
manqua aprés quelques propositions ; ayant esté
destinée pour vn Roy de France, ainsi qu’il luy
auoit esté predict* par vne ame sainte. Dieu inspira
Henry IV. d’en faire la recherche. Le mariage estant
arresté, le Procureur qui l’espousa fut le Grand
Duc ; & le Cardinal de Florence, qui a esté du depuis
le Pape Leon XI. donna la benediction. Sa dot
fut de huict cens cinquante mille escus, outre les
bagues de grand prix, les ameublemens precieux,
& la restitution de quelques places, que le Grand
Duc tenoit sur la Mediterrannée ; leur situation les
rendant imprenables à la force, on les rendit à l’amour.
Le temps de conduire l’Espousée estant arriué,
les galeres du Pape, du Grand Duc, de Genes & de
Malthe, se ioignirent auec celle de France : entre
Iesquelles celle qui portoit la Royne estoit d’vne
merueilleuse structure, releuée à demy bosse, dorée,
peinte, equippée de voile & cordages d’or & de soye :
Morgues, Mathieu de [1643], LES DEVX FACES DE LA VIE ET DE LA MORT DE MARIE DE MEDICIS ROYNE DE FRANCE VEFVE DE HENRY IV. MERE DE LOVYS XIII. ROYS TRES-CHRESTIENS. DISCOVRS FVNEBRE. Par Messire MATTHIEV DE MOVRGVES Sr. de Sainct Germain, Docteur en Theologie, premier Aumosnier & Predicateur de ladite DAME ROYNE; Predicateur du ROY CATHOLIQVE, & Preuost de Harlebeke en Flandres. DEDIÉ A LA ROYNE CATHOLIQVE. , français, latinRéférence RIM : Mx. Cote locale : D_1_3.
|