de se manifester en tous temps, apres auoir
esté offusquée ; & leur candeur est si bien recognuë,
que ces causes sont toûjours jugées par le
mesme Parlement, pour donner témoignage de
sa sincerité : Vous me répondrez que voicy des
plaintes qui ne traittent point de Requestes Ciuilles,
mais bien d’accusations tres-criminelles, &
que ce sont de fort mauuais auant-coureurs : Ie
vous auouë que ie voy quelques enfans perdus,
que des ames basses enuoyent courir les ruës comme
des insensez ou auides Contre-porteurs ; ou
plûtost que ce sont de ces Oyseaux de mauuais augure,
qui tomboient les premiers morts dans le
lac, sur le quel ils presageoient des malheurs, dont
les Antiens estoient le plus souuent preseruez, par
l’obseruation des aduis d’Aristote, qui dit, Que
le Sage domine l’Astre.

Ces pauures Autheurs asseurent, que les Princes
font ce qu’ils veulent, ces Senateurs n’y sont
donc pas retractaires ; Que les Iuges ne font pas
le bien qu’ils veulent, c’est donc faire ce que dit
Sainct Paul, Que les Peuples font ce qui les ruine ;
Et pourquoy ne se deportent-ils pas de leurs émotions,
qui ne font que rompre leur commerce
sans leur aporter aucune vtilité.

En fin Senat bien empesché ; Si sa Majesté fait
ce qu’elle veut, on dit que vous estes corrompu ;
Et si vous luy faites de tres humbles Remonstrances,