auec vne personne digne de mon merite, & telle
que vous me deués souhaitter, puis que ie suis,

MONSIEVR,

Vostre tres affectionné seruiteur
le Duc de Mercœur.

Par la lecture de l’vne & de l’autre que i’ay inserée
en celle que ie vous enuoye, vous deuez
connoistre que iamais ma volonté n’a esté
conforme à celle de ce Ministre d’Estat, à qui incontinant
i’ay renuoyé auec ma Lettre ses messagers
d’Amour : Ie vous prie de me permettre, Monsieur,
& tres-cher Frere, de vous dire que vous
auez tort de vous plaindre de moy, sans qu’au
prealable vous n’ayez esté esclaircy de mes desirs,
& de mes pretentions, la pluye ne faict pas tous
les iours tomber du Ciel des Armands de Richelieu,
dont la gloire & le merite soit capable d’obliger
vn Prince d’espouser vne Damoiselle, & sa
Niepce, qui tire sa naissance & sa Noblesse depuis
plus de douze cent années, les medailles & les pistoles
ne sont faicte que pour les Marchands, qui
leurs sont autant profitables qu’elles sont dommageables,
quelquefois à des Princes de nostre
merite, les perles, les diamants, les piereries, les