par l’entremise de feu Armand Duplessis, Cardinal
Duc de Richelieu d’heureuse memoire, qui me
recommanda expressement à la mort à sa Majesté,
& à la quelle il fit recit de ma capacité, de mon merite
& des intelligences que i’auois auec luy, &
que i’auois tousiours participé aux succez glorieux
de ses entreprises, au moyen dequoy sadite
Majesté auant sa mort me recommanda à la Reyne
Regente, la priant pour l’amour de luy, me tenir
aupres d’elle pour receuoir mes aduis & deliberations,
sur les vrgentes affaires du Royaume, &
faire en sorte par mon entremise que le Tymon
de la Monarchie puisse subsister auec plus d’ardeur
que iamais, à quoy i’ay employé mon possible &
mon labeur ; ioint à mes veilles, qui n’ont butté
qu’à m’acquitter dignement de ce glorieux employ :
mais ie ne sçay par qu’elle fatalité, les peuples
ont creu, & ce sont laissé persuader que i’estois
l’autheur & le premier agent qui auoit bouluersé
les affaires & supprimé l’interest des particuliers,
& que tous les mouuemens impetueux
des guerres, & cas estrange ne se faisoient que par
mon entremise ; que i’auois épuisé le reuenu de la
France, au moyen de quoy elle s’est mutinee, &
conceuë vne haine mortelle contre moy, qui
estant iointe auec celle des Parisiens, que ie vois
cõme implacables cela me fait douter de mon salut.
Et à tous moyens i’enuisage vne mort precipitee,
qui ne me donnera temps de me recognoistre,
n’estans pas mesme asseuré au milieu de la

Page précédent(e)

Page suivant(e)