DE PAR LE ROY.
TRES-CHERS ET BIEN AMEZ,
Nous auons assez témoigné par le long
& presque continuel seiour que nous
auons cy-deuant fait auec la Reyne
Regente nostre tres-honorée Dame &
Mere, en nostre bonne Ville de Paris,
auec quelle tendresse & affection Elle & Nous auons
toujours tant aymé ladite Ville. Et depuis Nous vous
auons assez fait cognoistre par les responces que nous
vous auons donnees sur les diuerses instances que vous
nous auez faites pour nostre retour en ladite Ville, combien
nous les auons agreables, & qu’aussi tost que les
affaires qui nous auoient donné sujet de nous aduancer
sur nostre frontiere de Picardie, seroient aux termes
conuenables pour la seureté & le bien de l’Estat ; Nous
desirions autant que vous mesmes de nous reuoir dans
Paris, à present que nos Armées sont passées au delà de
l’Escault, auec reputation & aduantage : ayant obligé
celles des ennemis où l’Archiduc estoit en personne, à
se retirer, auec perte & confusion ; & que nous auons
donné les mains de nostre part à tout ce qui estoit necessaire
pour renoüer vne Conference auec les Ministres
du Roy Catholique pour le traicté de la paix entre cette
Couronne & celle d’Espagne, qui auoit esté interrompuë
Louis (XIV), Le Tellier [signé] [1649],
LETTRE DV ROY. Enuoyée à Messieurs les Preuost des Marchans & Escheuins de la Ville de Paris. SVR L’ASSEVRANCE DE SON Retour en sa bonne Ville de Paris. Apportée par Monsieur de Sainctot Me des Ceremonies le douziéme Aoust 1649. , français
Référence RIM : M0_2178. Cote locale : C_3_6.