signez de nostre main, que si dans six iours à
compter de la datte de ces presentes, les Habitans
de nostre ville de Paris, ne quittent les
armes & rentrent dans leur deuoir, obligeant
par ce moyen les Gens se disans tenir nostre
Cour de Parlem?t de Paris à nous obeir, Nous
oublyerons entierement & pardonnerons les
fautes passées desdits Habitans, sans qu’ils en
puissent iamais estre recherchez pour quelque
cause & occasion que ce soit, les receurons en
nostre grace, & que nous retournerons aussi-tost
establir nostre seiour dans ladite Ville, &
leur confirmerons plainement toutes les graces
que nous leur auons cy-deuant départis
par nostre Declaration du vingt deuziesme
Octobre dernier, & serõs prests à leur en faire
de nouuelles en toutes occasions. SI DONNONS
en mandement à tous nos Officiers &
Subiets d’obeir à la presente Declaration, & de
tenir la main à ce qu’elle soit executée de point
en point selon sa forme & teneur. CAR TEL
est nostre plaisir, En tesmoin dequoy, nous
auons fait mettre nostre scel à ces presentes,
que nous auons fait lire & publier en nostre
Conseil, la Reyne Regente nostre tres-honnorée
Dame & Mere presente, où estoient
aussi nostre tres-cher & tres-amé Oncle le Duc

Page précédent(e)

Page suivant(e)